"Ceapfaidh an tAire Coiste Stiúrtha leis an athbhreithniú a chur chun cinn, agus tiocfaidh baill an Choiste ó na réimsí seo a leanas: foclóireacht, oideachas, dlí, aistriúchán, téarmaíocht, meáin agus léann. Cur chuige céimnithe a bheidh i gceist leis an athbhreithniú"
Cá bhfuil na scríbhneoirí? Cá bhfuil na filí? Bhfuil tír ar bith eile ar domhan nach rachadh i gcomhairle lena haos dana atá ag saothrú na teanga cruthaithí lá i ndiaidh lae, agus í ag iarraidh caighdeán nua a shocrú?
Tá réabhlóid de dhíth!
Tá go deimhin! Cá bhfuil na molotov cocktails? Buamaí grafacha atá ar intinn agam, cartúin sa leithéid. Nó an bhfuil sibh le fáil faoin rúibric “meáin agus léann”?
ReplyDeleteNí bhaineann an chacamas seo faoin Chaighdeán le filíocht nó aon rud cruthaitheach ach le teanga marbh na maorláthach agus na 'Gaeilgeoirí maithe' atá beo ar aistriú chaipéisí nach léitear i mBéarla go leaganacha Ghaeilge atá chomh neamh léite céanna a chothú de réir na stíle atá siad imithe i dtaithí air, a bhuiochas d'Acht na dTeangacha Oifigiúla agus Stadas Oifigiúil san Aontas Eorpach etc....
ReplyDeleteGo fóill tá páistí scoile gan leabhair scoile fónta i nGaeilge.....
Seans go bhfuil an ceart agat, a Choncubhair.
ReplyDeleteBeidh le feiceáil, a Denis. Tá amhras orm nach mbeidh i gceist le 'meáin agus léann' ach lucht eagarthóíreachta agus ollaimh ollscoile. Tá an chuma ar an rud uilig - mar a deir Conchubar - gur ag freastal ar chúrsaí aistriúcháin agus maorlathais a bheas an caighdeán úr, agus nach dtabharfaí aitheantas mar is cóír do 'rithimí garbha na sráide' agus na múnla úra cainte atá ann san am i láthair.
Tá súil agam go bhfuil mé contráilte agus nach bhfágfaí le 'Caighdeán dÚr' muid. Dúirt mé anseo roimhe go mothaím ar uairibh teannta agus teoranta ag an chaighdeán mar atá sé, go mbaineann sé de fhíor-bhlas na cainte, go bhfuil a chuid rialacha gramadaí agus litrithe ag tachtadh an cheoil.
Níl mé in éadan caighdeán scríofa, is gá é a bheith ann, ach is gá go mór na filí, na húrscéalaithe, na drámadóirí, na daoine a bhíonn ag baint preab as an teanga, á searradh is á síneadh agus á athmhúnlú gach lá a bheith páirteach sa phróiséas - léithéidí Gearóid Mac Lochlainn, Míchéal Ó Conghaile, Rosenstock etc etc. Muna mbíonn, ní bheidh ann ach rud stálaithe.
Séamas Poncán said... Níl ann ach cluiche parlúis, le fírinne. Déanfar pleananna agus ní éistfidh éinne leo, mar is iondúil. Ní féidir teanga a phleanáil (ach amháin esperanto).
ReplyDeleteAontaím le Proinsias — tá gá againn le caighdeán, ach sílim gur cheart dó fairsingiú. An caighdeán gan “ghaibhne an fhocail” gan chaint na ndaoine is cuma nó corp gan fhuil é. Ba cheart don chaighdeán a dhruidim le Gaeilge bheo agus amach ó Ghaeilge mhaide. Ba cheart do mhaorlathas saor a scaoileadh de theanga.
ReplyDelete