Tuesday, May 5, 2009

Paidir roimh dhul a luí

Chuir mé na páistí a luí tamall beag ó shin. Deirimid na paidreacha leo agus iad sa leaba. Tá an 'Ár nAthair' agus an 'Sé do bheatha Mhuire' rud beag ró-dheacair dóibh go fóill, ach tá paidir beag againn a fuair mé ó aintín mo mháthar agus is maith leis na páistí go mór é. Tá sé simplí go leor fosta go bhfuil siad ábalta cuimhne a choinneáil air. Thig le Margaret é a rá gan stró agus tá cuid mhaith de na focail ag Dan. Cuirim anseo é mar áis do thuismitheoirí eile.

Tá ceithre choirnéal ar mo leabaidh
Tá ceithre aingeal de mo gharda
Dia go raibh istigh
Dia go raibh amuigh
Má thig a dhath orm is mé i mo chodladh
Ag Dia go raibh mo mhúscladh.

2 comments:

  1. Sin an-deas. Nuair a bhí mise beag, mhúin mo mháthair paidir domsa atá an-chosúil leis

    Ceithre cúinne ar mo leaba
    Ceithre aingeal orthu scartha
    Má fhaighimse bás as seo go maidin
    I bhflaitheas Dé go raibh m'anam

    ReplyDelete
  2. Tá an ceart agat, a Ursula. Tá siad an-chosúil. Níl a fhios agam, an paidir an-sean é a d'athraigh thar na blianta de bharr cúrsaí tíreolaíochta / canúna ar an bhealach chéanna is a d'athraigh na hamhráin?

    ReplyDelete